L’amuri pi sta terra l’i pirsuni
ni st’angulu di munnu cunzulatu
l’omu chi scava trova l’a raggiuni
canta l’a vita tantu ‘nnamuratu.
U’ presidenti, cumitatu,l’abitannti
Piazza BISCIUNI un’artaru cunzatu
Vui tiniti L’ a’ firucia di l’i’ SANTI
Stu locu : di virtu’ e’ ‘ncurunatu.
Ogn’annu granni festa si ripeti
Crisci a curtura e’mpera simpatia
‘u pueta :ama e cunta l’uri leti
Cu stu versu, ringrazia l’u MISSIA
Comu annu fattu sempri li’ pueti
Iu, cantu l’amuri di sta terra mia.
Camminu è u pinzeri và scavannu
e ù dicu a tutti u’mmi pari malu
mi fermu, mi taliu, m’u’ dumannu
‘nzoccu mi manca p’essiri n’armalu.
Cuntinuvu l’a’ strata, chianti, riru
e currivatu, nna’ vuciazza jeccu
stancu e’ cunfusu perdu l’u rispiru
mi manc’a’ cura, p’essir’u’ sceccu.
Unn’aiu scola : e fazzu l’avvucatu
ma dic’a’ virita’ strincen’i’ renti
l’omu appress’i’ sordi fa ù dannatu.
E’ ghiunta l’ura di togghiri l’i benti
‘ncunfidenza … truvai l’u’ risurtatu
l’omu : e’ l’armalu chiu’ putenti.
Oramai di miricina
si ni sfarda quantu pani
e di pinnuli a duzzina
dintra a panza fai cullani.
U dutturi fa a ricetta,
scrivi a tia a miricina,
mitti chiummu n’à scupetta
comu a pagghia n’à sintina.
U manciari ti ‘nnimica
campi privu di cunfortu,
pi tirari fai fatica
e mori chiù picciottu.
Semu tutti ni ‘stu munnu
puvireddi e ruvinati,
cu li peri junti ‘nfunnu
tanti negghi strati strati.
Pi campari si cummina,
semu ricchi i ‘taliani
ringraziamu a miricina
chi ni inchi a panza ‘i pani.
ITALIA mia comu t’arriducisti?
i peri ni la fossa li purtasti,
a lu SIGNURI la cruci tugghisti
all’Italianu tu ci l’aduttasti.
Un c’è pirsuna cù ‘nzenti la crisi,
c’è lamintura su tutti li cosi,
avemu di paari tanti spisi
e criu chi nuddu semu pirsuasi.
A ‘stu cuvernu nun tinemu firi
u pani ‘un lu putemu chiù accattari,
u populu e riduttu a li martiri
comu l’agneddi pronti pi scannari.
I cuvirnanti a la tilivisioni
i soliti discursi sannu fari,
pallannu ni li chiazzi e li sizzioni
la virita la sannu camuffari.
I cuvirnanti pi r’éssiri onesti
fannu paari e scarsi tutti costi,
cu ddì facciuzzu di poviri cristi
fannu i dibbutati, e anchi l’artisti.
E ‘nfina chi cumanna Brasi e Vitu
on filu di ruccheddu u nostru ciatu,
senza pietà ni ‘nfilanu o spitu
pi sudisfari i vogghi e lu palatu.
L’Italianu omu intelligenti,
criri ancora all’umineddi santi
voa a mezzu e fa l’indiffirenti
dannu firucia o primu lestufanti.
Si semu uniti e risurvemu a crisi
all’autri stati ‘un dumannamu scusi,
finemu di paari tanti spisi
e pi la vita mai semu cunfusi.
Donna : m’arrialasti l’u’ surrisu
Iu scriviri puisia, u’mmi vriognu
Taliann’a’ ttia : vitt’u’ paraddisu
‘ncuntrariti, n’havia tant bisognu.
“U visu toi, un granni cunfissuri
com’u suli, ò l’aurora dù matinu
fai si’, chi l’u’ jornu si culuri
armuniusa ci rallegri l’u’ fistinu.
‘U pueta cusi e scusi l’a natura
fa c’arricogghi l’i’ paroli persi
e senza fari cunti da’ statura
tutt’i’ paroli, l’i riduci in versi.
‘U surrisu, granni fundi di caluri
‘u labbru, sa’ di essir l’u’ DIVINU
cu ginirusita’…….. crisci l’amuri
e ‘ nni sapi arrialari : l’u’ fistinu.
Dunn’é me’ patri – dd’omu tuttu amuri
u sustignu di me’ matri lu cumpagnu
tuta la vita travagghiu e suduri
cu ‘stu ricordu l’occhi mi li vagnu.
Campau ‘na famigghia misiriusa
l’ébbica u fici tantu dispirari
tutta la via s’à passau cunfusa
un si stancau mai di travagghiari.
Omu fidili dignu di rispettu
l’amicu di l’amici dintra e fora
a casa, u fucularu, u so’ lettu
sempri lu stissu mai passau di mora.
L’osa si li purtau macinati
cunnuciutu fu di la timpesta
dintra lu fossu comu li dannati
pruvau sulu ‘nfernu mai ‘na festa.
Urmai ti truvasti lu risettu
iu sulu pi tia staiu prigannu
tu mi capisci parru a dialettu
sugnu sicuru, mi stai ascurtannu.
Scrivu pi ricurdari lu passatu
usu ‘sta pinna niuru lu ‘nchiostru
me’ patri cu ‘stu cantu arricurdatu
su’ li paroli di lu PATRI NOSTRU,
Cantu u ricordu di mè figghiu
dintra lu cori mi ristau cusutu
ancora quanta collira mi pigghiu
nuddu Santu chi ci detti aiutu.
Ci l’occhi mei vidi sulu stiddi
mai mi lu scordu pù minutu
mi toccu ‘ntesta tisi li capiddi
abbiliatu u sangu mu tramutu.
Quantu lacrimi amari pi stu figghiu
m’éru ridduttu cu l’ossa e la peddi
cu stu pinzeri tantu m’assurtigghiu
quasi u mi reggiu supra sti canneddi.
Biatu cu sta pena si la scanza
u ciriveddu mi juntu cottu
di ‘stu figghiu sentu la mancanza
astura fussi un giuvini picciottu.
Sunnu passati jorna, misi ed’anni
scava la menti ‘funnu li pinzeri
riduttu vechiu e chinu di malanni
sugnu arrivatu c’ùn mi reggiu ‘mperi.
Chi mala sorti pi ‘stu figghiu miu
d’ìddu lu destinu si ‘ngiammau
avillu granni era tantu priu
a morti vili u vosi e su pigghiau.
‘U scarpareddu cu la varva lasca
di st’ebbica, dinari u ‘ nni vusca
ncira l’u spau, spampina la nasca
pass’a’ jurnata,cu la testa ‘nfusca.
Nnarbuliatu : l’a’ tigna s’arraspa
e si l’a’ scuitta puru cu la musca
t’assurtigghia l’a sola cu la raspa
zappa furmentu, arricogghi ciusca.
Poviru scarpareddu, e’ arruvinatu
ti ‘nnimica : pi fin’a’ maistranza
du pugressu, si senti cannannatu
ti campa sempri a pisu ri’ valanza
ricoggh’i’ rispiri, privi di sustanza
e sulu d’abbili, si inchi l’a’ panza.
Tincir’i’ paroli e’ versi
e’ l’anima da puisia
radunari paroli persi
e’ lumi r’a’ fantasia.
S’a’ menti r’u’ pueta
di papaviru si vesti
‘mpirsuna u’ prufeta
fa chi culura i’ gesti.
‘I paroli culturati
Rallegran’u fistinu
e si vennu ricamati
fa beddu lu’ jardinu.
Un versu accurdatu
l’u’ senzu tu culura
e pi essiri ascurtatu.
prifirisci l’a’ misura
e ssi veni musicatu?
t’arricchisci la curtura.
Amu manciatu ni lu stessu piattu
n’àmu abbrazzatu gioi e affanni
amu tinutu strittu lu cuntattu
senza fari mai u spenni e spanni.
Dù cori pi la vita ‘ncumpagnia
ni cunfissamu senza cunfissuri
una bannera russa sbinnulia
crisciuta cu l’asta di l’amuri.
Amu purtatu avanti ‘na famigghia
stanchi, affannati, comu d pizzenti
‘na taula, dù seggi e ‘na cavigghia
amu tiratu sulu cu li renti.
Comu li chiova ‘ntesta li capiddi
n’àmu tinutu u munnu cu li spaddi
dintra di l’occhi coscinu faiddi
supra lu schinu facimu li caddi.
Amu campatu ‘mmenzu a tanta amici
stimati e apprizzati di la genti
l’umanitati ni fa di curnici
privi di sordi ma tantu cuntenti.
Tutta la vita cu li peri ‘nfunnu
campari di stentu u nostru forti
i nostri manu scavanu ‘stu munnu
chini d’amuri pi la bòna sorti.
 | Giuseppe su Mari di Portu Palu |
 | EUREKA su Contatti |
 | Misterkappa su I FIGGHI D’OGGI E DI… |
 | Arianna su L’amore: piccole cose |
Le Poesie di Paolo Ruggirello 