Vestu l’u’ russu pi campari assai

a centru di l’a’ vita, fazzu festa

a forza di luttari u’mmanca mai

‘ntusiastu affruntu l’a’ timpesta.

Cu ama ‘u russu : nun pirisci mai

e ssi veni musicatu, è granni festa

stu culuri ‘nn’alluntana di l’ì guai

addobb’a’ tutti, e nudd’ù cuntesta.

‘U russu e’ ‘nna gioia c’accarizza

c’u filu d’oru l’u’ tegnu cusutu

m’aiuta, e sapi fari l’a’ nurrizza

‘u focu cun sciusciuni mi l’astutu.

‘U russu supr’a’ terra, e’ la biddizza

ti stralluci chiu’ mugghi ru’ villutu

tutti l’i pinzeri storti mi l’aggrizza

nò munnu, veru simbulu d’aiutu.

Russu chi trasi dintra l’i’ me vini

mi stuzzichi l’i’ carni, l’ì fai duci

cu am’a’ ttia, un criri ‘nni l’a’ fini

‘mmenzu a tantu beni ‘nni cunnuci.

puru si’ mi sporzi, u ‘nti scarini

dunne chi vaiu portu l’a’ tò vuci

si ‘nna culonna c’ùn purseri spini

ti toccu chi manu e nu m’abbruciu.

Trova l’a’ vita cu di russu si vesti

comu dda ciura, c’adorna l’i’rasti

ti brilla comu l’ucchi di l’onesti

chiu’ duci, d’a’ carni chi spurpasti.

c’u’ russu, affrunti tutti li timpesti

E gia’ chi tantu amuri ‘ncurunasti

ricogghi tuttu, senza dari resti

basta c’e’ u’ russu cenn’e’mbasti.

Quannu vest’u’russu scriv’e’ cantu

e cusu l’i’ paroli : puntu, a puntu

gia’ chi sugnu prutettu d’un santu

e nuddu chi po’ farimi n’àffruntu

‘u russu mi pruteggi e mi lu cantu

pozzu capiri dunni, sugnu juntu

m’annilicu : di russu e mi l’u’ vantu

picchi ‘nnà sucitati, iu tantu cuntu.