Le Poesie di Paolo Ruggirello

A soffriri  l’a’  fami  sunnu  tanti

e stenninu li manu senza affrunti

nun ‘mbastanu l’i prieri di li santi

a  panza,  nu ‘zi’  inchi di raccunti.

Ni ‘ncontri cintinara pi li strati

basta chi  l’i  tali,  l’a’ testa scotta

ch’i figghi mrazza parinu nzinzati

di fami  è  chiantu  fannu, li ricoti.

E  all’ura : l’u’ pugressu dinni stà

s’u campari, divintau nna pazzia

’a maggioranza abbrazz’à puvirtà

e  nni  sta fudda, trova l’a strania.

S’a terra scota comu nna furnaci

e ù vili ammazza è paa pi cuntanti

s’ù  cori  màrturiatu assuppa e taci

comu  po’  fari  tu : agghiri   avanti.

Dunn’è ‘a  liggi : chi fa stu guvernu

s’i’ nostri cori vennu, assurtigghiati

s’u  populu e’ ridduttu ni ‘lu ‘nvernu

quali   putiri  :  hannu   ‘i magistrati.

Si  l’omu,  t’ arridduciu  l’i’  rispiri

Iu  ripetu: ‘u pugressu dunni sta’

s’a’  mafia tennu mmànu l’u putiri

e  ù  populu soffr’a’ fami e  libirtà.

Si l’à  vita, addivintau dispirazioni

e  ù  populu  ti  campa scungirtatu

su  munnu un trova mai cunzulazioni

chistu pi nui: e’ un pugressu mancatu.

Urmai ù munnu camin’ò rivrsu

nui finemu di taliari facci scarni

parti  da sucita’ fannu successu

ogni ghiornu mangi pisci e carni.

Di omini currutti : ci nne tanti

criu cu ‘nzi’ po fari mancu cunti

a  giuvintù, un criri ‘nni li santi

èssiri mantinuta un trova affrunti.

Poviru patri, ammatula ti scanni

mentri zappi, tò  figghiuzzu joca

vizziatu com’è, ti spenni e spanni

cottu  è avvilinatu : di l’a’  droga.

Chista  è l’a’  sucitati  chi  vuliti

s’arrunchia  fumeri strati, strati

chi  ‘ssemu manuvrati l’ù  sapiti

grapiti l’aricchi, populu ascurtati.

Urmai chi si mrùgghiau la matassa

a  mafia, è  la ‘ntranchita cumanna

nui  com’i pisciteddi : nni la nassa

nni tocca di scuttari l’a’ cunnanna.

Ebbica amara : e pani avvilinatu

chianci cu avi, e cunn’havi nenti

i  vili  n’assurtigghianu l’ù ciatu

e la  mala,  fa straggi di nuccenti.

Urmai l’ammazzari unn’e’ piccatu

Poviri  figghi, chiancinu l’i’  matri

morti e siguestri, granni rusurtatu

grazzi  a sta sucita’ : fatta  di latri.

E’ nostri figgghi picca è cuncessu

sta  sucitati, urmai l’à  poi capiri

poviri  figghi, affruntanu l’abissu

‘mpinnuliati, e senza un’avviniri.

U silenziu di la notti,

fa durmiri duci duci,

senza scrusciu, senza botti,

comu un CRISTU senza cruci.

Affussatu nni lu lettu,

‘na cuperta tutta lana,

un silenziu pirfettu,

u cunigghiu nni la tana.

Fai li sonni tutti rosi,

cu rispiri di vurcani;

u travagghiu e l’autri cosi,

si ripigghianu dumani.

A lu ciancu ‘è la mogghi,

runfuliannu si stinnicchia,

a cummogghia si la cogghi,

t’accarizza e s’amminzigghia.

Duci duci ti riposi,

di lu sonnu ti cuntenti,

d’oru ‘mmaggini li cosi,

comu ‘n éssiri ‘nnuccenti.

U silenziu àvi du facci

e ‘nno scuu di la notti

leva a l’omini la gioia

a spiranza e li cunorti.

Certi voti lu silenziu

grapi e chiuj tutti li porti

e ‘ntà l’occhi lacrimusi

ti fa vidiri la morti.

Cu li manu tu ti tocchi

e ti cridi già finutu,

mentri attisi chiuj l’occhi

e sì mortu nno tabbutu.

Ti fa vidiri li spiri

l’armalazzi assai putenti,

e di supra surci virdi,

lupi, vpari e sirpenti.

U silenziu è ‘mprissiunanti

fa canciari di culuri,

ti fa cririri li santi,

ti fa soffriri u duluri.

U silenziu è spavintutu

vidi niuru lu biancu;

proi l’unni dù marusu,

ti fa moriri di scantu.

Si la notti un pigghi sonnu

u silenziu ti cunnuci

‘nni la fossa cu to nonnu

e di supra un pezzu i cruci.

U silenziu è trarimentu,

‘nzoccu àvi un ti lu duna;

pi lu ciatu quantu stentu,

‘nni li vrazza d’à spurtuna

Vi lu dissi e lu ripetu,

lassa all’omu tristi e letu.