NUSTALGICA VITA

Pubblicato il 19 dicembre 2014 da paoloruggirello

‘A SULITUDDINI: E’ PRIVA D’AMURI

A TESTA DI L‘OMU,UN PANI COTTU

PURU SI NUN FA’: NUDDU ERRURI

E DIFFICILI TRUVARI L’U’ CUNOTTU.

‘NNI LA TESTA SENTU LA CAMPANA

TROVU DIFFICILI……….DIMINTICARI

‘U MALI METI COMU ‘NNA FULLANA

SENZA DI TIA: E’ DIFFICILI CAMPARI.

LA MENTI MIA CERCA UN TI TROVA

STU BRUTTU PINZERI MI CUNFUNNI

A VITA TANTA SUFFIRENZA PROVA

TALI’U’ MARI E NAVICU CU L’UNNI.

LA VITA NUN ‘MMI SAPI CUNUTTARI

TEGN’U’ LABBRU, PRIVU DI SURRISU

‘A MENTI U ‘NZI’ STANCA DI PINZARI

ASSEMI A’TTIA, PERSI ‘U PARADDISU.

CU AMURI CUNTEMPLU L’URIZZUNTI

DISPIRATU AFFRUNTU L’A TIMPESTA

SPERU DUMANI: QUATRANU LI CUNTI

NI ‘NCUNTRAMU, E’….FACEMU FESTA.

Pubblicato in Poesie dialettali siciliane | Contrassegnato , , , , , | Lascia un commento

PRUDOTTI E SAPURI

Pubblicato il 19 dicembre 2014 da paoloruggirello

NNO SUD : RA’ SICILIA UCCIDINTALI

STA TERRA SAPI DARI TANTU AIUTU

STU JARDINU FA PRODOTTI SPICIALI

STU BRILLANTI NN’O’ MUNN’E’ CUSUTU.

POPULU : IU VI PREGU D’ACURTARI

STA RICURRENZA, E’ UN VERU FISTINU

OGGHIU E VINU, PRILIBATI ALIMENTARI

SI PRUDUCINU A MARSALA E PITRUSINU.

GRAZZI ALL’AUSER VENNU RICANUSCIUTI

STA PRILIBBATIZZA : E’ ‘NNA’ SPICIALITA’

TERRA E VIDDANI : CI RESTANU CUSUTI

MERITANU L’A’ CASACCA DU’ “MMAESTA’.

BATTEMUCCI L’I’ MANU, A L’U’ VIDDANU

TI NUTRICA, AMURI CORI E INTLLIGENZA

TI SAPI SCAVARI, ’A TERRA CU L’I’ MANU

PRUDUTTURI : PRIVU D’A’ RICUMPENZA.

L’OGGHIU E’ L’U’ MEGGHIU CUNTIMENTU

L’U’ VINU…..E’ ‘NNNA’ BIVANNA SPICIALI

MENTRI NNI PALLU, ‘U SAPURI CIU’ SENTU

OGGHIU E VINU:PRILIBBATIZZA UNIVIRSALI.

Pubblicato in Poesie dialettali siciliane | Contrassegnato , , , , , | Lascia un commento

Pueta e Puisia

Pubblicato il 19 dicembre 2014 da paoloruggirello

‘A puisia, trova risettu nnò cori

musica e sprissiuni di cu penza

versi e rimi ……. culonni sùnori

ci sannu curari : l’a’ cuscenza.

L’omu ti po’ scriviri e pinzari

ci basta di usari l’a’ misura

‘a notti à finisci di ‘nzùnnari

e mitti a rima tutta la lustrura.

‘U pueta sapi punciri l’i’ spini

un musicista chi ‘nfenta li noti

e capaci di spizzari l’i’ catini.

‘Nfintannu rimi fa’ tanti ricoti

ti leva i scarpi mentri tu camini

‘a puisia, e’ l’a’ chiu’ granni doti.

Pubblicato in Poesie dialettali siciliane | Contrassegnato , , , , | Lascia un commento

Soffriri la fami

Pubblicato il 19 dicembre 2014 da paoloruggirello

Un omu affamatu, si sintiva mali

a’ forti vuci dicia : e’ CRISTIANI

s’aviss’ù tianeddu,l’ogghio è ù sali

facissi pani cotto : s’aviss’ù pani.

Quannu parla nna pirsuna aflitta

mai ci penza di priari l’i’ “SANTI”

gia’ chi stenta, di stari all’additta

e cerca pani, nno’nzaccu vacanti.

L’omu chi fa, l’u’ surci di fogna

mai l’u’ dici “CRISTU” ti ringraziu

si pi l’a’ vita : trova l’ura schitta

L’u priricau puru “PATRI ORAZIU”

senza mangiari addicatu all’additta

nuddu l’u’ penza : di moriri sazziu.

Pubblicato in Poesie dialettali siciliane | Contrassegnato , , , , , | Lascia un commento

Suli d’estate

Pubblicato il 19 dicembre 2014 da paoloruggirello

L’omu d’estati : unni trova risettu

l’a donna un vesti chiui l’a’ suttana

di ‘ncapu scummogghia l’u’ pettu

e ten’a’ gonn’a’ tagghiu di funtana.

Si vai’a’ mmari provi l’u’ spaventu

l’i’ carni cotti du suli senza spitu

‘u sangu nn’è vini un trova abbentu

l’occhi punciuti, e l’u’ cori curpitu.

L’acqua salata : l’a’ trovi chiu’ duci

l’omu taliannu……crisci di statura

picchi l’occhiu taliannu ti cunnusci’

dunne chi regna : viva la natura.

Suli e mari : ni portan’u’ pugressu

sapi vestiri d’oru, terra e sucita’

gia’ chi l’omu abbrazza lu successu

po gorisi ‘u munnu, e l’a’ filicita’.

Mentri c’e’ ù suli donni approfittati

dumani : l’a’ vicchiaia nn’àccuttura

tugghitivi tuttu, nun mi vriugnati

uffrit’u’ mugghi chi fici l’a’ natura.

D’estati a ‘mmari, tu po’ fari festa

ognunu di nui, ti cerc’a’ campavita

di nichi, a’ granni nuddu vi cuntesta

grazzi suli………sai darinni l’a’ vita.

Pubblicato in Poesie dialettali siciliane | Contrassegnato , , , , | Lascia un commento

Tramuntu russu

Pubblicato il 19 dicembre 2014 da paoloruggirello

Staiu virenn’u’ suli tramuntari

viu a punenti, focu sbambatu

e FAVIGNANA l’à viu annacari

e iu n’àlluccutu : ‘nnamuratu.

Celu e mari : smània di russura

e’ l’isuli, comu fantasmi culurati

MARSALA di stu lustru si culura

trovi palazz’è strati, arraccamati.

Vestisi di russu,quali maravighia

c’u fici ‘u munnu pursiria mastria

stu quatru, prisinta nna cunghiglia

avemu di : ringraziari l’u’ MISSIA.

Quanta biddizza scava l’u’ pinzeri

criritimi ‘nnò spissu mi cunfunnu

chi fazzu stenti : a tenimi ‘mperi

Sugnu pueta, né quatru, né tunnu.

Taliannu : penzu e scrivu puisia

addinucchiuni ringrazi’u CRIATU

nu ‘mbastanu, i paroli à fantasia

ci voli : un ciriveddu cunzacratu.

Grazzi à musa, iu sugnu filici

puru si spissu mancu di misura

ò munnu, sentu faricci à curnici

e dicu:quant’e’ granni l’à natura.

Pubblicato in Poesie dialettali siciliane | Contrassegnato , , , , , | Lascia un commento

U galateu ‘nfamigghia

Pubblicato il 19 dicembre 2014 da paoloruggirello

‘I vucabuli chi sustennu la famigghia

su’…. l’amuri, l’umilta’ e l’u’ surrisu

a’ matina quannu l’omu s’arrisbigghia

e’ un’Angiulu crisciutu ‘mpraddisu.

La bona parola, e’ comu l’u’ specchiu

pi ccu ci criri : l’a’ vera ricchezza

‘i mali paroli : sutta l’u’ cuvecchiu

e a’ famigghia, campa d’alligrizza.

L’umilta’, l’a’ firucia, e l’u’ rispettu

vucabbuli, chi scanuscinu l’èrrori

su pallati in’Italianu : ò in dialettu

ti sazzianu d’amuri, u’ nostru cori.

Pi ccu ama priricari stu canturi

cu’ amuri, s’alluntana di la braci

recita ‘nnà priiera, a’ l’u’ SIGNURI

e l’a’ famighia : vivi ‘nzànta paci.

Pubblicato in Poesie dialettali siciliane | Contrassegnato , , , , , | Lascia un commento

U VEDUVU FIDILI

Pubblicato il 19 dicembre 2014 da paoloruggirello

TU L’U’ MEGGHIU RICORDU

‘U TO’ VISU RAGGIU DI SULI

PI LA VITA: MAI TI SCORDU

TU: L’U’ GRANNI SPLINNURI.

L’I’ LABBRA DUCI VILLUTATI

SAPIVANU CRISCIRI L’AMURI

DUCI VAPURUSI: PRUFUMATI

ANCORA SENTU L’U’ SAPURI.

TI CANUSCIVI PICCIUTTEDDA

CUNTIMPLAVAMU L’I’ STIDDI

TU….TINIVI ’NNA’ MARREDDA

CU BEDDU CIURI NNE CAPIDDI.

TRA L’I’ DONNI: L’A’ DIVINA

L’OCCHI 2 BRILLANTI STIDDI

GRAZIUSI CIURI LA VISTINA

E ‘U RUSSETTU NE MASCIDDI

S’IU ST’AMURI RITRUVASSI

TANTA PENA ARRIDDUCISSI

ARRIDDUCISSI L‘I’ MATASSI

E TANTU RICCU MI SINTISSI.

COM’UN LORDU MIRICANU

‘U ME CORI NUN CHIANCISSI

UN FACISSI CHIU’ BACCANU

INFINITI GIOI ARRICUGHISSI.

SIDDU ANCORA TU CI FUSSI

FARIA FILICI LA ME MENTI

TRA LI CIURI VIACHI E RUSSI

SUTTIRRASSI…….L’I’ SIRPENTI.

‘NFACCI A’STU SULI VIUNNU

UN FACISSI CHIU’ CUMMENTI

ABBRAZZASSI STU MUNNU

E NI GUDISSIMU: CUNTENTI.

ORA VIU CHI PASSA ’U TEMPU

MENTRI’U FAZZU L’U’ GITANU

CUNNUCIUTU…….DU LAMENTU

E STURTIGGHIU PUR’I’ MANU.

A N N A

A TO’ VUCI ANCOR’A’ SENTU

CHI MI JUNGI DI LUNTANU

PI L’U’ CIATU FAZZU STENTU

SUTTA ’I PERI ‘NNU VURCANU.

MENTRI VIVU STU RIORDU

DUN’AMURI……TANTU DUCI

PI LA VITA: MAI TI SCORDU

SENT’U’ ‘PISU DI LA CRUCI.

E NUTRICANNU STU PINZERI

L’A’ VICCHIAIA MI CUNNUCI

FINA CHI: MI TEGNU ‘MPERI

POI ASCUTARI, L’A’ ME VUCI.

Pubblicato in Poesie dialettali siciliane | Contrassegnato , , , , , | Lascia un commento

L’EPUCA DI L’EURU

Pubblicato il 19 dicembre 2014 da paoloruggirello

‘A STRADA, DIVINTAU NU’ SPITTACULU

SI CURRI,P‘ACCHIAPPARI L’A’FURTUNA

PERO’ CURRENNU, VIVI L’U’ MIRACULU

TRUVARISI SCURCIATI: L’I’ GARRUNA.

L‘EURU PI NUI: UN GROSSU OSTACULU

NU ’NCI SERVI: L’ARIA CHI SI DUNA

TEN’I’ RENTI PEGGIU D’UN SIRRACULU

MANCA ‘U PANI, E RUSICHI PRUMUNA.

NUDDU PENZA: FARI L’U’ ‘NVINTARIU

E L’EURU: TU SPENNI, A COM’E’ GHE’

E MENTRI CAMINA, DICI L’U’ RUSARIU

C’UN TENI MANCH’I’ SORDI PU’ CAFE’.

‘U MUNNU FURRIA, A L’U’ CUNTRARIU

PICCHI ‘NNO’ SACCU PANI UN’NCI’NNE’

GIA’ CHI BANCHI, CALARU L’U’ SIPARIU

FINEMU TUTTI, DI CANTARI…OLI’ OLE’.

‘U GIUVINI OGGI, PRIVU DUN’AVVINIRI

GIA’ CU TRAVAGGHIU U’NZAPI SOCCHE’

SI SPURPA: A’ SO’ PATRI…..E SI ‘NNI RIRI

CI BASTA CHI S’ADDIVETTI: E FA L’U’ RE’.

L’A’ GIUVINTU’ NUN L’U’ VOLI CAPIRI

CHI S’UN TRAVAGGHIA,PANI UN CI’NNE

SI CU L’ARIA…T’ARCHITETTA L’I’ RISPIRI

C’U’ PEZZ’I’ CARTA: SI STUIA L’U’ DARRE’.

Pubblicato in Poesie dialettali siciliane | Contrassegnato , , , , | Lascia un commento

L’ANAPPITENZA

Pubblicato il 19 dicembre 2014 da paoloruggirello

A M I C I

L’ANAPPITENZA: MI TENI STRAVIATU

IU LA SUPPORTU PI BONA CRIANZA

PUTITI CAPIRI, COMU AIU CAMPATU

TUTTA LA VITA: A PISU DI VALANZA.

QUANNU PRIPARU, USU’A’ FANTASIA

GRAZZI ALL’AMURI: E L’A’ SPIRENZA

MITTU N’USU, TUTTA L’A’ MASTRIA

IU SPERU, DI TRUVARI RICUMPENZA.

GRAZZ’A’ VULUNTA, CANGIU SCANGIU

PRIPARU ‘NNA PIETANZA CUNZULATA

NA PECURA VUGGHIUTA MI LA MANCIU

PERO’ L’A VULA: UN VENI CUNZULATA.

D’UN PISCI GROSSU LASSU SUL’A’ SPINA

MA RESTU STRANIATU DI L’U’ PIATTU

DI GNOCCULI CINCU CHILA DI FARINA

A LA FINI RESTU PICCA: SURISPATTU.

L’ANTIPASTU: UN CUNIGGHIU MI BASTA

MI FAZZ’A’ CRUCI: GIA’CA’ MENTI PENZA

NA CANNATA DI VINU CHI NUN GUASTA

SEMPRI AMMALIATU DI L’ANAPPITEANZA.

IU CU STA PUISIA, CHI VOGGHIU DIRI

VOGGGHIU ASSEM’A’ VITA L’ESISTENZA

SPERU D’ALLUNTANARI L’U’ SUFFRIRI

E SUTTIRRARI PI SEMPI L’ANAPPITENZA.

DICU C’OGNUNU E GIUSTU CHI CI PENZA

ALL’OMU: T’U’ CUNNUCI A LA FUDDIA

PI MIA STA DISUNESTA, ANAPPITENZA

E’ L’A’…..CHIU’ ‘MMALIRITTA MALATIA.

Pubblicato in Poesie dialettali siciliane | Contrassegnato , , , , | Lascia un commento