CURRI LUNTANU ‘A MENTI D’U’ PUETA
‘NNI LU DISERTU, E DINTRA L’U’ JARDINU
RICOGGHI L’I’ PAROLI, FA ‘U PRUFETA
E T’ACCUSA : STU DULURI RIPINTINU.
‘I VERSI SI L’I’ FA, COMU PI GHIOCU
TROVA FUMU, CUN CI’ DUNA ABBENTU
MACINA C’U’ PINZERI PETRI E’ FOCU
STURIA E ‘NNI CRISCI L’ARGUMENTU.
PENZA, SCRIVI, SI TRACCIA LA VIA
FA DI L’ACEDDI L’ARMUNIUSU CANTU
PI STA TERRA, TENI TANTA SIMPATIA
SULU DI RUSSU : SI CRISCI L’U’ MANTU.
PERCIA LU CELU, ‘NNI TROVA L’ARTIZZA
TRA ‘I NUVULI, TIRATI DI L’U’ VENTU
TALIA LUNTANU, L’OCCHI CI L’APPIZZA
SCOPRI L’I’ VAI, E RIMA L’U’ LAMENTU.
‘MMENZU STI NEGGHI RICOGGHI PAROLI
TI SCAVA ‘U MUNNU CU L’A’ FANTASIA
L’I’ COSCI, COMU SI FUSSIRU STIGGHIOLI
L’I’ CUSI TUTTI.…………….E ‘NNI FA’ PUISIA.
MA PI PUTIRI DIMIZZARI L’AMARIZZA
CRISCI L’I’ VOGGHI, DI L’U’ SO’ CAMINU
CHINU D’AMURI, E DI TANTA SAGGIZZA
LASSA ‘U MUNNU,’MMANU L’U’ DISTINU.
RECITA E CANTA, L’INNI DI LA RIMA
TALIA ‘U SULI E LEGGI ‘NNI LA SFERA
NUDDA COSA MAI : LASSA DI MIRA
CU VERSI E RIMI, CANTA PRIMAVERA.
SFOGGHIA ‘U LIBBRU DI LA FANTASIA
TI TRASI ‘NNI L’ABBISSU DI L’U’ MARI
FA L’A’ RICOTA : CRISCI DI MASTRIA
CU VERU AMURI : SI MITTI A CANTARI.
Le Poesie di Paolo Ruggirello 