Vecchia trazzera, divintasti strata

iu ti ricordu ch’èri ‘nna macchera

acqua, scaffi, di petri ‘mpantanata

u ‘nti canusciu chiu’ vistu com’era.

Ricordu : l’i’ carrett’a’ filinghera

di scecchi, di muli e di cavaddi

e t’assuppavi l’a’tanta lamintera

mentri l’i’ purtavi, sup’e’ spaddi.

Genti : criu giustu chi v’u’ dicu

gudemun’u’ munnu cu cuscenza

sùn voi essiri tu, ù veru ‘nnimicu.

s’ancor’a’ vita, ni ‘ntratteni ‘mperi

unn’i’ scurdamu a nostra privinenza

pinzamu è strati : ch’èranu trazzeri.