L’a gente : vennu di luntana via

p’abbrazzari,  suli, rina  e’  mari

divirtutu  ti  ringrazia l’u’ MISSIA

trov’à  spiaggia chi  l’ù sap’amari

Suli  e  mari, chi  uduri  stupentu

 e  nni manteni  a  tutti  cunzulati

tinemunillu ‘ncori, stu mumentu

st’amuri granni chi porta l’estati.

L’a vera estati : ci dura  du’ misi

trovi miliuna  di pirsuni pi la via

l’à  genti, si nni  scappa r’ù paisi

alluntan’a stanchezza e s’arricria.

A spiaggia miliuna d’umbrilluna

u’suli  è ‘nnamuratu chi ti cosci

l’unni du mari ti parinu scaluna

u’càuru putenti, a nuddu nosci.

‘U pueta : mitti all’opira la vuci

‘u celu : sapi farinni di specchiu

l’estati  tra l’i’ ciuri nni cunnuci

ti scordi  puru si diventi vecchiu

I meghiu ferii, s’abbrazzi l’u mari

c’u’ càuru  fa  beni tutt’ù  sannu

puru  si  senti  l’i’ carni spaiddari

 suli : speru ‘ncuntrariti natr’annu.