È bedda l’a campagna

quannu jungi l’a vinnigna

speciarment ri’ matina

si tocchi l’acquazzina

Pi tutta l’a jurnata

cogghi e assapuri

l’a cammisa vagnata

di mustu è di suduri

Si chiovi abbili rusica

lu ficatu e prumuna

pari chi sunassi musica

e vunci l’i buttuna

L’omu si teni ‘mperi

grazzi all’aria pura

di vinu ‘u biccheri

e asciuga l’a sudura

E lu patruni d’appressu

tira l’u ciatu a stenti

cu l’occhi dici allestiti

e strinci sepr’i renti

Da nui l’a vinnigna

è ricchezza è fantasia

ricoghi vinazzu e ligna

la nostra ecunumia.